Camau Cyntaf: Gweithio yn y Sector Sgrin

Wedi ei greu i gefnogi’r adnodd Switched On (Saesneg yn unig), mae’r adnodd, Camau Cyntaf – Gweithio yn y Sector Sgrin, yn becyn llawn gwybodaeth a gweithgareddau i hybu pobl ifanc i feddwl am y swyddi amrywiol o fewn y diwydiant sgrin. Dyma gyfres o becynnau gweithgaredd i’ch helpu i archwilio llwybrau mewn i’r diwydiant ac i ddatblygu sgiliau addas ar gyfer y byd gwaith hwn.

Mae’r gweithgareddau’n annog pobl ifanc i feddwl am sut i fynd mewn i’r byd gwaith hwn, gan ei annog i ystyried eu sgiliau a’u diddordebau, tra hefyd yn darganfod sut beth yw gweithio yn y diwydiant sgrin. Mae’r pecynnau’n hyblyg a gellir eu defnyddio’n unigol neu eu cyfuno ar gyfer gwersi, gwaith cartref neu astudiaeth annibynnol.