Ffeithiau Treth CThEF: 14 i 17 oed

Gwers ryngweithiol yw ‘Ffeithiau Treth’ sydd wedi ei chynllunio i helpu pobl ifanc i ddeall y system dreth a’r rôl y mae treth yn ei chwarae mewn cyflogaeth.

Mae’r wers wedi ei chreu i ddysgwyr 14 i 17 oed i’w cefnogi wrth iddyn nhw ddechrau paratoi ar gyfer y byd gwaith, gan gynnwys unrhyw waith rhan amser neu waith yn ystod y gwyliau o 16 oed ymlaen.

Byddan nhw’n dysgu popeth am y system dreth, y gwahanol fathau o drethi a goblygiadau peidio â thalu treth. Byddan nhw hefyd yn dysgu sut mae treth yn cael ei chasglu wrth ddechrau eich busnes eich hun neu drwy TWE wrth weithio i gyflogwr.

Mae’r cynllun gwers Ffeithiau Treth yn cynnwys arweiniad ar sut i ddefnyddio’r fideos ochr yn ochr â’r gweithgareddau. Mae amcanion y wers yn cefnogi elfennau amrywiol y cwricwlwm sy’n gysylltiedig â chynllunio ar gyfer bywyd a gwaith y dyfodol a bod yn ddinasyddion cyfrifol.

Os ydych yn chwilio am adnoddau i ddysgwyr rhwng 8 ac 13 oed, gweler ein pecyn gwersi Ffeithiau Treth Iau, sy’n cyflwyno’r pwnc drethiant i blant.

Adnoddau sydd ar gael:
1 x Canllaw Cyflwyno (gan gynnwys cynllun gwers, amcanion dysgu, cysylltiadau â’r cwricwlwm,
a geirfa)
1 x Cyflwyniad PowerPoint ar gyfer y Wers
1 x Taflen Weithgaredd yn y Dosbarth
1 x Taflen Weithgaredd Ddilynol (mae modd ei defnyddio fel gwaith cartref)

Mae’r wers Ffeithiau Treth yn cynnwys pedwar fideo byr sy’n delio â’r themâu allweddol canlynol:

1. Beth yw treth?
2. Beth yw CThEF?
3. Yr economi gudd
4. Rhan 1: Dechrau gwaith
5. Rhan 2: Gweithio i chi’ch hun